Pimpri crime news: कोरोना निगेटिव्हचे बनावट प्रमाणपत्र देणाऱ्या टोळीचा पर्दाफाश
Pckhabar- प्रवास करणाऱ्या नागरिकांना कोरोना निगेटिव्ह असल्याचे बनावट प्रमाणपत्र देणाऱ्या चार जणांच्या टोळीचा पर्दाफाश करण्यात हिंजवडी पोलिसांना यश आले आहे. हा प्रकार सोमवारी दुपारी इंदिरा कॉलेज जवळ वाकड येथे उघडकीस आला.
पत्ताराम केसारामजी देवासी (वय 33, रा. भुमकर वस्ती, वाकड), राकेशकुमार बस्तीराम वैष्णव (वय 25, रा. धनकवडी, पुणे), चिरंजीव (पुर्ण नाव पत्ता माहीत नाही), राजू भाटी (रा. वाकड) अशी गुन्हा दाखल झालेल्या आरोपींची नावे आहेत. याबाबत पोलीस हेड कॉन्स्टेबल कुणाल शिंदे यांनी हिंजवडी पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, वाकड येथील इंदिरा कॉलेज जवळील शनी मंदिरात प्रवास करणाऱ्या नागरिकांना कोरोना निगेटिव्ह असल्याचे प्रमाणपत्र एक टोळी पुरवत असल्याची माहिती हिंजवडी पोलिसांना मिळाली. त्यानुसार पोलिसांनी कारवाई करत चार जणांवर कारवाई केली.
त्यातील आरोपी राकेशकुमार वैष्णव हा बनावट कोरोना रिपोर्ट बनवून व्हाट्स अपवर पाठवत होता. हे रिपोर्ट वाकड येथून येणाऱ्या-जाणाऱ्या प्रवाशांना प्रवाशांच्या मागणीनुसार दिले जात होते. रिपोर्टवर लाइफनीटी वेलनेस इंटरनॅशनल लिमिटेड बावधान या लॅबचे बनावट लेटरहेड आणि डॉक्टरांच्या बनावट सह्या व शिक्के मारून देत होते.
हिंजवडी पोलीस अधिक तपास करीत आहेत.
Leave a Reply