Nigdi News : ‘फी माफी सगळी द्या, संकट काळ समजून घ्या’, पालकांचे आंदोलन
Pckhabar-नफ्याचा वाटा कमी करा, आम्हाला फी माफी द्या”, ”फी माफी सगळी द्या, संकट काळ समजून घ्या”, ”कडेलोट केला विनंतीचा आता घटनांद फी माफीचा”, ”विनंतीला मान दिला नाही, फी माफीशिवाय थांबणार नाही” अशा जोरदार घोषणा देत एसपीएम पालक असोसिएशनने यमुनानगर येथील एसपीएम शाळेसमोर आज (गुरुवारी) फी माफीसाठी आंदोलन केले.
भोसरी विधानसभेचे लोकप्रिय आमदार महेश लांडगे, राहुल जाधव, सोमनाथ काळभोर, सुशांत मोहिते, स्थानिक नगरसेवक बापू घोलप, ऊत्तम केंदळे यांच्या मार्गदर्शनाखाली व पालक असोसिएशनचे अध्यक्ष प्रशांत मुळिक, उपाध्यक्ष श्याम मोहिते, सेक्रेटरी अमोल गाडे तसेच नितिन आकोटकर दिपक डोके, पवन देवडे, अभिजित परदेशी , अनिल रोहम यांच्या वतिने शाळेचे मुख्याध्यापिका वर्तक मॅडम, बक्षी मॅडम, मुंगसे सर यांना निवेदन देण्यात आले.
या आंदोलनात पालक मोठ्या संख्येने सहभागी झाले होते. शैक्षणिक वर्ष 2020-21 या वर्षीच्या फी मध्ये सर्व पालकांना सरसकट 50 टक्के सवलत द्यावी. जोपर्यंत शाळा चालू होत नाही. ऑनलाईन वर्ग होत आहेत. तोपर्यंत शालेय फी 50 टक्के भरण्याची मुभा द्यावी. चालू शैक्षणिक वर्षामधील फी वाढ रद्द झाली पाहिजे. शाळा चालू झाल्यानंतर मुलांच्या सुरक्षेत वाढ करावी. शाळा चालू झाल्यानंतर खेळाचे सर्व प्रकारचे साहित्य उपलब्ध करावे. सर्व प्रकारचे मैदानी खेळ सुरु करावेत.
शाळेतील पाण्याचा प्रश्न सोडवावा. स्वच्छता ठेवावी. शाळा चालू झाल्यानंतर कमीत कमी 2 पालक सभा वर्षभरात घ्यावात, अशी मागणी पालक असोसिएशनने केली. याबाबत शाळा व्यवस्थापनाशी सकारात्मक चर्चा झाल्याचे त्यांच्याकडून सांगण्यात आले.आजच्या आंदोलनात महिला वर्ग मोठ्या संख्येने ऊपस्थित होता. आंदोलनाच नियोजन व सुत्रसंचालन संतोष मुळिक यांनी केले.
Leave a Reply