Pimpri news : पोलीस आयुक्तांच्या नावाने फेसबुकवर बनावट खाते, यूजर्सकडे मागितले पैसे

Pckhabar- फेसबुकवर पोलीस आयुक्त कृष्ण प्रकाश यांच्या नावाने बनावट अकाऊंट तयार करून लोकांकडून पैसे मागितल्याचा धक्कादायक प्रकार उघडकीस आला आहे. त्यामुळे माझ्या नावाने अशा प्रकारे मेसेज आल्यास, त्याला प्रतिसाद देऊ नका, तसेच बनावट अकाऊंटपासून सावध राहा, असे आवाहन आयुक्त कृष्ण प्रकाश यांनी केले आहे.

फेसबुकवर बनावट अकाऊंट तयार करून किंवा आहे त्या अकाऊंटमधील लोकांना (फ्रेंड्स) परस्पर पैशांची गरज असल्याचे मेसेज पाठविले जात आहेत. बऱ्याच लोकांची अशा प्रकारे फसवणूक झाली आहे. दररोज असंख्य तक्रार अर्ज पोलिसांच्या सायबर सेलकडे येत असतात. त्यात भर म्हणून आता खुद्द पोलीस आयुक्त कृष्ण प्रकाश यांच्याच नावाचा अशा पद्धतीने वापर करण्यात आला आहे. सायबर गुन्हेगारीचा फटका खुद्द पोलीस आयुक्तांना बसल्याने राज्यात चर्चेचा विषय बनला आहे.

नागरिकांशी तत्काळ संपर्क व्हावा. नागरिकांना सर्व प्रकारे संपर्क साधता यावा तसेच एकदा मुद्दा माहिती जास्तीत जास्त लोकांपर्यंत पोहचवण्यासाठी अनेक अधिकारी सोशल मीडियाचा वापर करतात. पण अशा प्रकारे जर पैसे मागण्याचे प्रकार घडत असतील तर ते धक्कादायक आहे.

विविध क्षेत्रांतील सेलिब्रिटींचे फॅन्स त्यांच्या नावाने असले उद्योग करीत असल्याचे यापूर्वीही उघडकीस आले आहे. काही जण थेट अमुक व्यक्ती आणि फॅन्स क्लब असे अकाऊंट सुरू करून त्यावर संबंधितांचे फोटो – माहिती अपलोड करीत असतात. पोलीस आयुक्त कृष्ण प्रकाश यांच्या नावानेही फेसबूकवर अनेक अकाऊंट आहेत. त्यातील कोणती खरी आणि कोणती खोटी हे ओळखणे सामान्य नागरिकांना अवघड आहे.

याबाबत पोलीस आयुक्त कृष्ण प्रकाश म्हणाले, माझ्या नावाने सोशल मीडियावर काही खाती (अकाऊंट) असल्याचे माझ्या निदर्शनास आणून देण्यात आले आहे. कदाचित या लोकांनी तो मीच असल्याचे भासवत अनेकांशी बोलले गेले असावे. तसेच काही जणांची आर्थिक फसवणूकही झाल्याची शक्यता आहे. याबाबत आम्ही नक्कीच कारवाई करीत आहोत. परंतु, तोपर्यंत अशा प्रकारांना नागरिकांनी बळी पडू नये.

महत्त्वाचा बातम्या वाचण्यासाठी खालील फेसबुक लिंकवर क्लिक करून लाईक आणि शेअर करा.
https://www.facebook.com/PC-Khabar-111917450609892/

(ताजे अपडेट मिळविण्यासाठी Bel Icon वर Click करा.)

Post Views: 112